越滿 (Closed)

今日行完街同frd 黎左食越南野，見到原來有越式香茅雞煲食，一於要滾一滾。除左雞煲 再叫左1個2個餐鮮蝦米紙卷，味道清新，配酸甜醬汁好開胃，米紙軟滑得黎又煙煙韌韌，幾好。二人份嘅香茅雞煲，158蚊，好大煲，好多配料，有好多津白同雞脾菇，仲配左1籃生菜滾黎食，醬汁好香好入味，惹味得黎又唔會太咸。雞肉醃得好入味炒芥蘭苗，惹味爽口。咖哩軟殼蟹，好大隻軟殼蟹，而且好多膏，有火暖住，唔會灘到凍哂唔好食，忍唔住追加白飯喇蒜蓉包，好香牛油蒜蓉味，夠香脆。蒜仔牛柳粒，份量多，黑椒味濃。青檸梳打好大杯，食雞煲不可或缺，冰凍清新。埋單每人160蚊度，已經飽到不行了，好抵食呢！