一盛極牛 (Closed)

聞名不如見面，今日終於約到媽咪陪我食呢間名氣極大既拉麵店。一共有三款食物可以選擇，白牛拉麵，極牛拉麵同牛肉丼。白牛拉麵加入左白松露，極牛拉麵即牛骨湯。每碗拉麵均可以選擇火炙和牛及和牛刺身，配菜亦可以選擇份量。如果一個人食，只需要嗌兩份，就可以試齊火炙和牛及和牛刺身。白牛拉麵🍜賣相非常精緻，嗌左兩份和牛，兩份蔥，加埋我最愛嘅溏心蛋。先講和牛，經炙燒後，仍保持微微既粉紅色，肉質香軟，香氣比和牛刺身更勝一籌，味道的確係和牛既質素👍🏻湯底則比我想像中較淡味，可能我嗌左普通既濃度，相信選擇最濃味會更好 。而溏心蛋既調味啱啱好，不錯。我媽咪嗌左和牛刺身同火炙和牛各一半，配極牛湯底。牛骨湯同樣較淡，和牛刺身有牛本身嘅鮮味，但我都係比較鍾意香口嘅火炙和牛多啲。最後飲埋可爾必思，為今餐畫上圓滿嘅句號。