十十四川料理 (Closed)

經過zara隔離扶手電梯落地面，推開玻璃門，就會見到呢間四川菜餐廳。平日7點都好full, 好彩有book位咋。招牌酸菜魚魚型碟好靚，未食已經覺得有意思。魚肉嫰滑，啖啖肉且無骨，大量酸菜，大豆芽，仲有寬粉，QQ彈牙，吸哂精華，相當鮮味。尖椒皮蛋大量尖椒碎同蒜蓉味鋪在皮蛋上，味道濃郁，皮蛋彈牙，兩者拌勻食，夠醒神。清炒萵筍絲萵筍絲粗幼平均，清甜爽口，當味蕾都是麻辣味道時，呢道菜正好清清口腔，舒緩一下。農家炒米粉比我想像大碟。米粉樣子好似好濕咁，但食落唔會太油太濕，味道適中，材料簡單，好有家庭菜feel。葱爆牛肉揀左辣味葱爆牛肉，辣味好夠，京葱微甜，牛肉份量唔吝嗇，牛味唔重但肉質算滑。每碟菜都好夠份量，原本想留肚食冰粉作甜品都食唔落了，唯有下次再試啦。