愛上米線 (美輪大廈) (Closed)

今日遲食lunch，行去北角睇見呢間新開，裝修幾吸引，於是响度食晏。下午1:45左右到餐廳，响門口等咗一陣就入到去。餐牌好簡約，本來想要紅燒排骨米線(藥膳豬骨湯)，但待應話賣哂，於是揀咗火爆肥腸蓋碼粉。肥腸粉上枱後平平無奇，但出奇地肥腸份量超多，有11至12舊大肥腸，仲有好多辣青椒，少少炸過既鷹嘴豆，撈埋米線一齊食好香口惹味，米線份量頗多，食完米線後仲有腸淨，之後清埋啲餸。呢個撈粉係單叫58蚊，唔包飲品，價錢稍貴，如果要跟飲品小食，要加18蚊，我覺得太貴，同埋米線太大碗，無加錢轉套餐。而家做緊優惠，頭200位送雞翼，下次有機會可以早啲出嚟食。