麻辣小聚 (93WYS) (Under Renovation)

平時最鍾意周圍去搵新餐廳食好西，今次喺網上見到觀塘呢間麻辣小聚餐廳，好評都有唔少，菜式賣相都好靚，見放假就約埋朋友一齊去試吓。餐廳都好近地鐵站，到餐廳見到環境都好企理乾淨又開陽，菜式選擇都頗多，見到佢哋有香辣蟹，鍾意食海鮮嘅我忍唔住嗌咗一份，朋友都另外加咗個藤椒手撕雞。香辣蟹分量好多，螃蟹好大一隻，仲大過我個拳頭。螃蟹肉非常多，柔嫩多汁，仲食到滿滿既蟹膏，加上香辣嘅醬汁，非常惹味。滕椒手撕雞既雞肉好嫩滑，藤椒食落辣辣麻麻嘅口感，好新奇又好食！