Kim's Bowl (海港中心) (Closed)

呢牌搭船搭多咗， 多咗喺灣仔碼頭上船， 幾於是就多咗喺碼頭附近搵下有啲咩嘢食， kim's bowl 就正正位於碼頭對面的海港中心。 餐廳地方雖然唔係好大，但勝在就腳，一過天橋就係碼頭， 而且餐廳專咗外賣， 保證快靚正。今次就叫左兩set 韓式腐皮飯團，饀料分別有蟹子蟹柳沙律，辣味魷魚及醬燒牛肉，與及粟米沙律，醬油鹹魚仔及香辣豬肉。蟹子蟹柳沙律夠清新， 辣味魷魚夠香辣惹味， 魷魚也十分爽口， 至於醬燒牛肉， 感覺不會太油膩。 另外一set combo B，有粟米沙律，醬油鹹魚仔及香辣豬肉， 粟米沙律粟米十分新鮮爽口， 粒粒飽滿。 醬油鹹魚 夠鹹香，香辣豬肉 惹味而不過辣。順帶一提每款壽司的飯也有味素去 調味過，帶點鹹香不會太寡。另外也叫了兩杯飲品分別是 紅棗茶及 青橘子茶。 紅棗茶甜甜的夠補身， 凍青橘子茶酸酸甜甜勁開胃。