汀汀烤活魚 (Closed)

荃灣越來越多好野食，今次揀咗三坡坊的汀汀烤魚打邊爐，貪佢平民地段，幾個男士可以飲啤酒暢所欲言。鍾意佢嘅烤魚喎有好多選擇，可以揀唔同嘅魚，唔同嘅調味配菜。今次揀咗酸辣烤龍躉鍋，條魚應該有兩斤幾重，所以一班兩味，片肉打邊爐後，原條做烤魚鍋時，仲好大條好多肉。欣賞佢個烤魚烤得好香脆，個魚頭勁好味食到啜啜聲。酸菜香辣程度啱啱好，唔會太鹹影響條魚嘅味道。碟牛肉非常大碟，質素甚高！大排檔嘅好處係成晚狂叫啤酒都唔會太貴！