Primo (Closed)

今日放工同朋友去港島區搵嘢食，去咗灣仔一間酒吧餐廳，餐廳氣氛都幾好。地方唔算好大，但係座位都唔逼夾。我地先來叫咗一個田園沙律，沙律菜十分新鮮，有羽衣甘藍、車厘茄、青瓜等，清新嘅洋蔥配意式香醋汁，香醋汁味道濃郁偏酸，相當開胃。再來叫咗個墨西哥雞肉及西班牙辣肉腸pizza，呢個Pizza嘅辣肉腸味道相當辣，配埋墨西哥辣椒好惹味，再加上香辣蕃茄汁，呢個Pizza嘅香辣味道比芝士味更濃郁。鍾意食辣味Pizza嘅朋友真係唔好錯過，另外Pizza嘅餅底好香脆。呢度可以自選自己想食嘅意粉，扁面條、寬面條、意大利麵、緞帶麵、另外仲有無麩質意粉可以選擇，餐廳呢個設計都幾細心。而我哋就選擇左帶子、蝦、煙肉卡邦尼意粉，意粉醬加入左白酒調制creamy 黎來芝士味道濃郁，帶子同蝦新鮮又大隻，好滋味，不過份量比較少。