峇峇娘惹 (MOSTown新港城中心(4期)) (Closed)

早餐牌選擇不少，首選香茅骨湯米，賣相吸引油而不膩。餐包多士同樣喜愛，揀咗班蘭咖央多士，味道特別可以再試。被職員指正過餐飲係馬來拉茶，唔係奶茶。不過我飲咗一半，怕糖，下次可能要叫少甜，或者其他食客會鍾意，感覺都算特式。維基話峇峇娘惹，指土生華人同東南亞原住民通婚嘅混血後裔，生活文化嘅結晶。男性叫峇峇，女性稱娘惹。餐廳用咗古式木招牌瓷磚吊燈算有格調，大門口自助斟水。早餐星期一至日都免收加一，如果可以九點鐘之前嚟到，我諗條龍應該會短啲。