Video
Read full review
2017-07-14
135 views
早幾個星期，睇馬家開飯，隔住個電視都已經覺得好食，所以即刻book 檯，帶埋屋人黎食。店子少少，由兩公婆主理，所以service 上相對慢，要放緩大家心急食野嘅情緒。我地好貪心，咩都叫啲: 黑豚六花腩 - 五花腩就聽得多，六花腩即係比五花腩多一層。我無深究佢係咪真係多一層啦～ 豚肉同脂肪比例平均，又燒到質感爽脆，配埋黑椒調味，係完美。安格斯牛小排 - 真名應該叫安格斯牛小粒，佢切到細粒，又串埋葱頭同蕃茄仔。牛小粒味道唔錯，略嫌安格斯牛份量少。岩燒白鱔 - 食串燒，識食緊係食燒白鱔。最基本緊係燒到皮脆啦，呢度連白肉嘅部分都外脆內嫩，加左少少鹽同檸檬汁吊味，諗起都流口水。香燒頂鴿 - 其實個人對乳鴿特別有情意結，但係以小店嘅規模，可以處理成酒樓燒味質素，真係不得不讚！雞皮蝦滑卷 - 呢款串燒係吸引我地黎嘅原因。少少脆嘅雞皮，包住蝦滑。蝦滑嘅鮮味，仲有似牛肉球嘅口感，因為佢加左馬蒂。好新鮮嘅配搭，果然無令我地失望。燒雞軟骨 - 平常喺串燒店食雞軟骨都係為叫而叫，但係呢度嘅燒雞軟骨你絕對唔可以 miss。因為呢度嘅雞軟骨係半肉半骨，燒得香口嘅軟骨，加埋少少醃過嘅雞肉，完全同坊間椒鹽燒係無得揮！
我地好貪心，咩都叫啲:
黑豚六花腩 - 五花腩就聽得多，六花腩即係比五花腩多一層。我無深究佢係咪真係多一層啦～ 豚肉同脂肪比例平均，又燒到質感爽脆，配埋黑椒調味，係完美。
安格斯牛小排 - 真名應該叫安格斯牛小粒，佢切到細粒，又串埋葱頭同蕃茄仔。牛小粒味道唔錯，略嫌安格斯牛份量少。
六花腩，安格斯牛小排
15 views
0 likes
0 comments
岩燒白鱔 - 食串燒，識食緊係食燒白鱔。最基本緊係燒到皮脆啦，呢度連白肉嘅部分都外脆內嫩，加左少少鹽同檸檬汁吊味，諗起都流口水。
岩燒白鱔
13 views
0 likes
0 comments
香燒頂鴿 - 其實個人對乳鴿特別有情意結，但係以小店嘅規模，可以處理成酒樓燒味質素，真係不得不讚！
香燒頂鴿
14 views
0 likes
0 comments
雞皮蝦滑卷 - 呢款串燒係吸引我地黎嘅原因。少少脆嘅雞皮，包住蝦滑。蝦滑嘅鮮味，仲有似牛肉球嘅口感，因為佢加左馬蒂。好新鮮嘅配搭，果然無令我地失望。
雞皮蝦滑卷
26 views
0 likes
0 comments
燒雞軟骨 - 平常喺串燒店食雞軟骨都係為叫而叫，但係呢度嘅燒雞軟骨你絕對唔可以 miss。因為呢度嘅雞軟骨係半肉半骨，燒得香口嘅軟骨，加埋少少醃過嘅雞肉，完全同坊間椒鹽燒係無得揮！
燒雞軟骨
13 views
0 likes
0 comments
煙肉荔枝卷 - 呢個煙肉荔枝卷就麻麻地，因為煙肉燒得唔夠，感覺燒熱咗就上碟，如果燒到脆邊就好。
煙肉荔枝卷
34 views
0 likes
0 comments
芝士翠玉瓜 - 芝士夠香，翠玉瓜爽得黎又唔乾，呢啲都係燒翠肉瓜嘅基本要求呀。呢啲緊係做得晒啦。
芝士翠玉瓜
21 views
0 likes
0 comments
牛骨髓多士 - 首次食牛骨髓，有少少似稀釋嘅鵝肝，夾埋多士，對我黎講係好新鮮嘅口味，但未到於好好食。
牛骨髓多士
38 views
0 likes
0 comments
厚燒牛舌 - 牛舌雖然係厚切，但係入面都有牛味，咬落去爽口，加埋調味都唔錯。
燒雞腎 - 平常燒雞腎都係得爽脆口感，但無乜味，呢度落咗少少醬燒吊吊味黎燒，都幾好食。
厚燒牛舌，雞腎
29 views
0 likes
0 comments
泰式臘腸 - 呢個臘腸係配埋蒜片一齊上架。 就咁食啲臘腸就同平時食嘅臘腸無乜分別，但係強烈建議一定要試下夾埋蒜片一齊食。蒜片係出奇地帶出少少甜味，令到成件事好驚喜！
泰式臘腸
10 views
0 likes
0 comments
黑豚露荀卷 - 用薄薄嘅黑豚肉，細心地包住長長嘅露荀。呢種卷法一黎可以避免太多條露荀卷埋一齊而難咬，二黎可以豚肉同露荀嘅比例會平均啲，無咁寡。
黑豚肉露荀卷
10 views
0 likes
0 comments
13款食物串燒，4個人埋單都係每人$200 多少少，真係抵食兼好食！寫咁長嘅食評都要堅持寫，因為我係真心想推薦比大家！
Post
