新澳咖啡餐室 (民泰街) (Closed)

今日同男朋友去開紅磡行街，行過見到呢間餐室就入咗去試下🤤我哋入到去之後好快就有位坐，經過一番商量之後決定要一個二人套餐🥰再加多碗叻沙🤤2人套餐 $158二人套餐有2個菜再配白飯+2杯嘢飲🧃我哋揀咗口水雞配川味麻婆豆腐😻咁樣一次過就有肉同有菜😙一開始上嚟嘅口水雞令到我十分驚訝，因為佢又遠遠漂來嘅辣椒味再加上喺d雞上面嘅辣椒🌶️雖然食落去唔係話好辣，而且啲辣椒醬都令到口水雞更加有豐富嘅口感。川味麻婆豆腐之後先到，佢個顏色睇落去唔似口水雞咁嚇人，食落去都覺得冇咁辣！另外佢仲有落到炸醬落去一齊煮呢個麻婆豆腐。配合埋白飯一齊食就覺得好正啦！馬來蜜汁炭燒厚切豬扒叻沙摻摻 $66蜜汁炭燒厚切豬扒煮到十分嫩滑，而家每一啖咬落去都充滿着蜜糖嘅甜味。加埋個叻沙摻摻真係配搭一流，而且仲有兩種口感🤤再配埋佢另外附加嘅辣椒醬，簡直帶你進入一個全新嘅世界。