飛龍咖啡 Cake Sakura (Closed)

聽說過呢間coffee shop係由一個馬拉松跑手所開嘅，上星期日就去咗幫襯，coffee shop位置好易找，在太子Paradise cafe 隔離，而家呢條街真係多左好多好有特色又好味嘅餐廳，coffee shop道門係藍色，在此街上一眼便望見，門上貼滿了蛋糕相，據說此店另一partner 係整蛋糕，所以嚟此店飲咖啡嘅客人，必然會order 佢嘅homemade cake,當日我就order左綠茶蛋糕，非常配合我飲果杯咖啡，難怪不停有客人入來訂蛋糕了。。。呢杯海鹽雪糕咖啡, 非常之好飲，好濃好香咖啡味， 一般凍咖啡溶咗冰之後就會淡哂，由於佢有海鹽雪糕，溶咗之後鹹鹹地仲好味過未溶冰。iced Latte用威士忌囿型冰， 咖啡師同客人好有交流，會問你鍾意啲咩嘢口味而調整。店子細細以吧檯為主， 好多熟客坐喺吧枱前同咖啡師有講有笑，氣氛好好，好有交流，另有一張細枱係兩個人坐嘅， 其實好快滿座，我去個時間都係啱啱餘下兩個位。之後好多人嚟都無位了。 牆上掛滿咖啡師在世界各地跑馬拉松嗰啲奬牌門面好易認，離遠就見到 ，貼滿啲蛋糕相， 蛋糕必吃。