姨婆瑪麗 (Closed)

係炮台山食lunch食到厭厭地，有時會行遠啲去北角揾啲新鮮感。見到姨婆。瑪麗呢個名幾有趣，睇埋英文 Ipoh 知道係平時比較少見既馬來西亞野，就決定試下佢～佢既主打應該係馬來西亞式車仔麵，好環保咁用過膠既 menu 比你揀餸，可以揀3/4/5/6款，男仔都應該夠食。我揀左有”星星”推介既蝦麵湯底好香蝦味，幾鮮甜，但略嫌唔夠濃味辣醬係分開用匙羹上，幾貼心，加左辣就惹味返少少，如果佢落多啲炸蒜片會更好～通菜份量都幾多，吸收咗湯汁之後好正油麵唔係一般車仔麵既傳統油麵，幼少少，食落亦無咁油，我中意！總括尼講，我下次都會 encore 呢間，會想試埋比較重口味既咖哩湯底～