捌哥.捌哥特色馬拉茶啡廳

Open Now

Now Closed

自己係香港比較少試馬拉餐廳，呢間評價好似不錯咁，放咗工近近地幾適合去食。餐廳幾光猛，感覺同粥鋪有少少似，另設座位比等位嘅客人，幾貼心。設有點餐紙供客人自助落單，劃完比店員就可以了。-檳城香炸滷肉卷本身以為好似春卷，實際似腐皮卷多啲。加上以為餡料會食到滷肉，但食個陣又唔覺。餡料似係有芋頭個類餡泥蓉，入口勁熱辣辣，略嫌油份太多。-鮮牛油咖央多士見到網上好多人推薦呢款，我都專登點嚟試下。多士烘得好酥脆，入口鬆軟。牛油同咖央嘅比例岩岩好，令多士無咁乾身，起到中和作用。估唔到呢兩個醬又幾夾，甜中帶鹹香，好特別。-桔仔話梅水(熱)話梅得一粒仔，不過想潤下喉都係個選擇。-辣死你嗎(椰漿飯)配娘惹咖哩雞肉見到唔少人都選擇藍花飯，但由於顏色太特別，我都係揀返普通啲嘅椰漿飯。青綠色嘅椰漿飯，椰漿味唔算太重，飯粒亦稍嫌過硬，可取之處係食落帶點清甜。咖哩帶點辣勁，伴碟花生香脆，小魚乾就要配飯先唔會過鹹。雞肉唔算好嫩滑，肉質有少少老，有啲失望。