Video
Read full review
2016-05-28
919 views
不要以為，入黎馬場就會無啖好食！錯啦錯啦！其實馬場都會有好多好嘢食俾你揀！今次呢，就去咗「喜馬當先」Hay Market食個半自助午餐。環境，絕對一流！座位寬闊舒服！食自助午餐，先由沙律食起！就咁望埋去，沙律都有五六款！另外，仲有多款新鮮沙律菜俾你自己揀，再自配醬汁！唔想食一盤盤的調好的沙律，真係自己溝都仲得！冷盤，必定是自助餐最吸睛的地方！呢一度，有凍螺、凍蝦同埋藍青口！任夾任食，仲要好大隻下！講埋個質素先！大蝦啲肉質都幾彈，都幾好，唔會有「煤」咗0既肉質感。即係話比較新鮮啦～～青口，雖然是中Size，但青口不會有冷凍味，反倒仲食到當中的青口火弓廿手味添呢～～芝士控，應該好開心～～因為呢度有數款芝士俾人揀！想要食乜都得！想食面包蛋糕先殿一殿個胃？都有多款選擇，自家製，更新鮮！酥皮果達更加吸引～～想每隻都食晒呢～～少不了，仲要有刺身食！款式都唔少，有三文魚、吞拿魚、甜蝦同埋八爪魚！而且仲要新鮮，肥美，又唔使排好耐隊，食得更加暢快！另一邊廂，仲有得自助揀材料整奄烈！即叫即整，特別新鮮熱辣！可以揀不同的配料。我就揀咗芝士磨菇火腿做配料。新鮮熱辣既食物就最好食！大家記得要多芝士，咁就仲正啦！
不要以為，入黎馬場就會無啖好食！錯啦錯啦！其實馬場都會有好多好嘢食俾你揀！今次呢，就去咗「喜馬當先」Hay Market食個半自助午餐。環境，絕對一流！座位寬闊舒服！
食自助午餐，先由沙律食起！就咁望埋去，沙律都有五六款！另外，仲有多款新鮮沙律菜俾你自己揀，再自配醬汁！唔想食一盤盤的調好的沙律，真係自己溝都仲得！
冷盤，必定是自助餐最吸睛的地方！呢一度，有凍螺、凍蝦同埋藍青口！
任夾任食，仲要好大隻下！
講埋個質素先！大蝦啲肉質都幾彈，都幾好，唔會有「煤」咗0既肉質感。即係話比較新鮮啦～～
青口，雖然是中Size，但青口不會有冷凍味，反倒仲食到當中的青口火弓廿手味添呢～～
芝士控，應該好開心～～因為呢度有數款芝士俾人揀！想要食乜都得！
想食面包蛋糕先殿一殿個胃？都有多款選擇，自家製，更新鮮！
酥皮果達更加吸引～～想每隻都食晒呢～～
少不了，仲要有刺身食！款式都唔少，有三文魚、吞拿魚、甜蝦同埋八爪魚！而且仲要新鮮，肥美，又唔使排好耐隊，食得更加暢快！
另一邊廂，仲有得自助揀材料整奄烈！
即叫即整，特別新鮮熱辣！可以揀不同的配料。我就揀咗芝士磨菇火腿做配料。
新鮮熱辣既食物就最好食！大家記得要多芝士，咁就仲正啦！
自助午餐，係可以自選一個主菜，而我今次就揀咗呢個「香燒三文魚柳伴忌廉燴椰菜，風乾車厘茄及三文魚子」。睇住呢個三文魚柳，煎得甘香微脆，食起上黎，外脆而內裡的魚肉嫩滑。
底部是椰菜絲加上忌廉，食起上黎，更清新一點。加埋個風乾車厘茄及三文魚子，更增添口感。
大約食到兩點左右，就是甜品時間！WOW好多不同的甜品俾大家揀！呢個係冰凍脆皮內裡包裹著拖肥！一口一粒，很是滿足！
仲有細細杯的慕絲甜品！
泡芙以及Cheese Cake～～
還有我最喜歡的特濃朱古力蛋糕！
全部都細細件，令人大大大滿足，一次品嚐晒不同款式的甜品！Post
