燦記茶室

Open Now

Now Closed

當班餓鬼朋友唔會相機食先，唔好話擺位攞角度，我連影張相都要爭分奪秒，結果啲相炒晒（殘念）…不過呢餐都幾難得，我真係好少會入到馬灣食好西，食物質素唔錯既，所以照推下。雖則個名話係茶室，但根本係間泰國餐廳，而且#餐廳太子女仲係鏡粉！托文蝦餅 $88 熱氣邪惡之選！厚身，結實，彈牙，好食。泰式無骨鳳爪 $68鳳爪入味爽口，少少辣幾開胃。炒芥蘭 $68份量幾多，芥蘭夠嫩，唔會覺得油浸。炒咖喱軟殼蟹 配烤餅 $168軟殼蟹應該係兩隻斬件成八件，少少脆口。咖喱汁好似湯咁大碗，入面仲有好多料，不過味道唔算太 濃。雞南雞 半隻$128賣相唔錯，雞肉算嫩，無咩特別。泰式蝦炒金邊粉 $88竟然呢個辣味係最出，可能係因為辣椒碎撈得匀，朋友覺得太辣唔太鍾意，但啱晒我口味！菠蘿炒飯 $88泰式炒飯 $88兩個炒飯都滿滿一盒，賣相配料唔同，菠蘿炒飯甜少少，泰式炒飯有肉粒菜粒，口感同味道豐富啲。.椰汁西米糕 老闆娘送既！一盒六件甜點，面層椰汁糕，底層有西米，粟米同芋頭粒，唔會好甜，口感豐富。.今次山長水遠入馬灣探朋友，響佢屋企望住個靚海景，食住泰國菜，好似去左個小旅行咁，心情特別愉快。