熊築地 (Closed)

每次去到銅鑼灣，都想去熊築地試佢哋嘅海膽手卷，可惜每次都大排長龍…今日又嚟到銅鑼灣，終於見到佢唔使排隊啦～於是就即刻走去買嘢食~海膽手卷當然要試啦！我哋叫咗個馬糞海膽手卷，另外仲叫咗三文魚手卷同八爪魚手卷～等左一陣終於有得食啦，望住三件大大嚿好足料嘅手卷已經流曬口水，三文魚好厚肉，八爪魚手卷味道不過不失，只係覺得份量比較少～而最重點嘅，當然係個馬糞海膽手卷啦～唔單止好味，仲一啲都唔腥，而且好足料添～比較特別嘅係佢呢度無另外嘅wasabi點，而係佢已經將wasabi混入醬油入面，唔洗怕污糟，非常細心~不過夠唔夠味就見人見智啦~~其實，企喺度食，都不失為一種風味丫~~~