小津居酒屋

Open Now

Now Closed

旺角東站落到地面往何文田個邊行大約5分鐘就到其實何文田呢邊人少啲，但都有唔少正野食，eg 附近有間食扒仲有任食薯條，但今次我就試居酒屋，因為見到有馬糞海胆和牛煲仔飯，真係第到無見過。串燒類汁燒豬肋條：豬肋條燒完都仲好軟熟，面有啲燒汁，好味。燒味噌五花腩：油花分佈均勻，燒完唔會變乾，味噌醬汁令到有加分。燒牛舌：牛舌肉質細嫩，經過燒烤後，表面少少香，內部保持著嫩滑的口感。燒雞皮餃子：以燒雞皮包住餃子餡料，燒雞皮的外皮酥脆，內裡帶有豐富的雞肉香氣。口感和風味都唔錯。清酒煮蜆鍋：清酒的香氣和味道能夠提升蜆的鮮甜味道，蜆無沙，好甜，性價比高。馬糞海胆和牛煲仔飯：黎既主要目的！上到枱店員會幫同問要唔要飯焦。煮同馬糞海胆和牛肉，並以煲仔飯的形式呈現。馬糞海胆是一種高級的海鮮，具有濃郁的鮮味和奶油般的口感，點估到海膽會撈到煲仔飯，仲要好食既，海膽好好食，好creamy，有海膽個下真係好食好多，多啲海膽就好啦。雜錦天婦羅：皮薄既天婦羅，唔錯。唐揚帆立貝：即係平時既炸雞軟骨，幾好既小食。總結款式比想像中多，每樣都唔錯，海膽牛肉煲仔飯，有驚喜，幾特別，但少少貴。