清心齋 (Closed)

今日經過沙田見到呢間主打糕點嘅小店，有各式各樣傳統糕點，仲有我最愛ge馬蹄糕，就買咗幾件黎試下👀順便買支豆漿解渴，因為天氣實在太熱啦😅呢度嘅豆漿真係好重豆香，入口好香濃。值得一讚ge係有少糖同無糖兩款選擇，因為我媽咪唔可以食得太甜ge野，所以就買咗一支無糖ge豆漿俾佢~ 就算無糖都唔會淡茂茂，豆味仲更加突出左tim!馬蹄糕一直都係我最愛！以前細細個去酒樓嘅時候成日都要嗌一份黎食😄清心齋ge馬蹄糕入口清香，馬蹄好爽口，兼且無加任何香精，好健康咁。紅棗糕同砵仔糕都唔錯，兩款嘅口感都好煙靭，尤其係紅棗糕，紅棗味道香濃，但係又唔會有好假個種甜味，食落係感覺舒服ge味道。而砵仔糕有好多粒紅豆，食落幾Q彈，口感唔錯😆亦都唔會太甜！希望遲啲可以出埋白色嘅砵仔糕，呢個係我兒時回憶黎😄我覺得呢一間ge豆類製品都幾有水準，嚟緊都會繼續支持小店！