譽粵菜 (Closed)

母親大人農曆生日，父親大人命令要食餐好，老人家又要講意頭，所以去酒樓食就最合兩老心意，父親大人一早訂咗枱，再早D去坐攞位，勁好彩坐一號枱，六個人有一張大枱，可以坐得舒舒服服。佢哋有套餐，但菜式同去飲差唔多咁，食到好悶，所以冇叫半席，散叫就算！可以食到自己鍾意嘅餸，有例牌燒腩仔、半斤蒸蝦、上湯龍蝦伊麵、半隻吊燒雞、糖醋小排骨、花膠什菜煲，蒸魚、蓮藕炒甜豆，六個人食八個餸真係好飽！ 仲有紅豆沙或綠豆沙送！記住睇睇細餐牌有時會做promotion，叫指定菜式，可以加錢㨂其他菜式，呢個係最抵嘅叫法！