屋子生活 (Closed)

由大圍一路踏車去到烏溪沙，踏到肚餓，苦惱美食沙漠馬鞍山有乜好食之際，見到迎海薈有間擁有落地大玻璃，環境以木系為主嘅cafe！真係久旱逢甘雨！呢間文青系café，樓底非常高，牆上有D七彩壁畫，好彩既話重有機會坐到坐地榻榻米座位，如果想「食環境」，呢間cafe會係好唔錯既選擇。黑糖珍珠牛乳 $45 🤩🤩🤩🤩🤩呢次選擇熱飲，一放上枱就聞到好香濃濃乳香，飲落質感幼滑，另加煙煙韌韌嘅黑糖珍珠，口感一流。和風蛋漢堡定食 $78 🤩🤩🤩🤩半熟蛋放係和風漢堡上面，蛋既火喉控制得幾好，唔會太熟，等我可以將蛋黃撈埋飯。 另外，和風漢堡配埋再特製，有少少甜既醬汁，幾特別既口感。不過對我呢D食肉獸黎講，最正就係呢塊漢堡都幾厚。聽講係呢間cafe Top 3 熱門既定食。紅酒味噲牛肋定食 $85 🤩🤩🤩🤩🤩味道都幾濃郁，牛肋條入哂紅酒味，用黎餸飯真係一流。當然，主角牛肋條入味得黎又易咬，唔會變咗擦子膠咁太韌，都算物有所值。