Video
Read full review
2024-07-20
289 views
2024年7月3日 星期三今晚同老婆入左馬鞍山買嘢，順便食埋個飯先走係新港城中心見到呢間餐廳好似新開張左無幾耐，而且我哋對上一次打邊爐都已經係幾個月前，心癢癢之下就決定比一次機會佢入去之前需要首先選擇揀邊一個餐，有四個套餐提供，最平$299就有交易，而我哋就要咗120分鐘既第二個餐，因為比起第一個餐價錢只係差少少，不過可以食到嘅食物多好多入到去坐低咗可以自己掃QR code落單，見到湯底都有好多選擇，而且名稱都比較特別，由於可以一人一鍋嘅關係，所以我同老婆可以要兩款唔同嘅湯底share老婆要既係蕃客為主，一嚟到已經聞到好濃郁嘅蕃茄香味，仲見到火鍋裏面有蕃茄片添，飲咗一啖個湯底，發覺味道酸酸甜甜幾清新，完全可以化解到火鍋嘅油膩感至於我就要左呷醋豬，其實係酸菜白肉鍋，成個鍋放滿晒白菜同豬肉，仲有杞子，味道酸酸地幾開胃，唔需要點醬汁都已經好夠味調味料區都放滿咗好多唔同嘅調味料可以自行調配，想要辣嘅有指天椒，而比較特別嘅係有海鮮酸辣汁同台灣水果醋汁，兩款都從來未試過，味道幾特別，用嚟點海鮮同肉都唔錯另外自助食物區都有唔同嘅食物選擇，無論丸類或者菜類都有，仍然冰凍代表十分新鮮小食方面餐廳都有提供
今晚同老婆入左馬鞍山買嘢，順便食埋個飯先走
係新港城中心見到呢間餐廳好似新開張左無幾耐，而且我哋對上一次打邊爐都已經係幾個月前，心癢癢之下就決定比一次機會佢
入去之前需要首先選擇揀邊一個餐，有四個套餐提供，最平$299就有交易，而我哋就要咗120分鐘既第二個餐，因為比起第一個餐價錢只係差少少，不過可以食到嘅食物多好多
入到去坐低咗可以自己掃QR code落單，見到湯底都有好多選擇，而且名稱都比較特別，由於可以一人一鍋嘅關係，所以我同老婆可以要兩款唔同嘅湯底share
老婆要既係蕃客為主，一嚟到已經聞到好濃郁嘅蕃茄香味，仲見到火鍋裏面有蕃茄片添，飲咗一啖個湯底，發覺味道酸酸甜甜幾清新，完全可以化解到火鍋嘅油膩感
至於我就要左呷醋豬，其實係酸菜白肉鍋，成個鍋放滿晒白菜同豬肉，仲有杞子，味道酸酸地幾開胃，唔需要點醬汁都已經好夠味
調味料區都放滿咗好多唔同嘅調味料可以自行調配，想要辣嘅有指天椒，而比較特別嘅係有海鮮酸辣汁同台灣水果醋汁，兩款都從來未試過，味道幾特別，用嚟點海鮮同肉都唔錯
另外自助食物區都有唔同嘅食物選擇，無論丸類或者菜類都有，仍然冰凍代表十分新鮮
小食方面餐廳都有提供，呢一個係話梅粉番薯條，番薯條上面灑滿左話梅粉，咬落去甘甘甜甜，而且炸得好香脆，又夠厚身，食落去零舍開胃
我哋仲點左其他小食，分別有冰釀梅汁蕃茄、黑糖炸麻糬、酥炸菇菌同台式甜不辣等等，當中我最鍾意鹹小卷，其實係魷魚筒黎，夠晒鹹香，用黎送啤酒一流
打邊爐又點少得有牛肉，呢個係澳洲黑安格斯封門柳，脂肪同肉嘅分布幾平均，而且顏色唔係好血紅，淥左一陣已經熟晒，肉味好濃郁
之後仲有青藤椒牛舌，餐廳好貼心咁寫咗最佳涮肉時間，淥熟之後充滿青藤椒香氣，而且牛舌好腍，配埋個湯底幾夾
最後仲有帝王蟹柳同蝦滑，蟹柳都算幾大舊，有咬口又唔粉，至於蝦滑幾彈牙，啖啖都係蝦肉
Post
