甜匠

Open Now

Now Closed

因為我係外賣自取嘅關係，所以冇影到相，幫襯過呢間甜品舖頭好幾次，通常都係外賣自取，特別鍾意呢度嘅芋圓同地瓜圓，返到屋企隔左一陣食都仲幾煙韌，我試過嘅多數係中式糖水，椰汁紫米露、紫薯薑湯雙圓、腐竹糖水等等，整體試過嘅甜品都唔太甜，可以食得出食材原來嘅味道，同埋都幾足料，好似紫薯薑湯雙圓入面通常都有2-3舊大嘅紫心蕃薯，都幾重薑味，但混合左紫薯同紅豆一齊食反而平衡返薑辣同甜嘅味道，而且見到menu有一啲唔常見嘅item，e.g. 桂花寒天、季節性食材等等，我覺得係區內一間都頗有心機嘅甜品舖頭。