Video
Read full review
2021-03-03
54 views
今日專登入馬鞍山接仔仔放學，因為農曆年假啱啱完咗開始復課。咁耐冇返學再加上考咗成個星期試，始終怕有啲吾慣。所以，今日趁著Happy Friday 又元宵佳節，加上又有番晩市堂食，一於同仔仔出街撐吓枱腳 relax 吓，順便支持一下小店。見5:30pm 時間早早地，未太餓於是周圍行吓睇吓有乜好嘢食。阿仔吾想又係茶記、米線咁悶，咁啱見到呢間餐廳門口個牌，比佢引咗，乜原來馬鞍山有都有虹吸咖啡嘅餐廳。真心少去馬鞍山食嘢。餐廳坐位算多，顏色又紅又綠五顏綠色，十分colourful ，我哋選了窗邊位置坐低。打開餐牌，發現呢間餐廳有不同款式嘅多國菜選擇，以高質西餐為主，再加上中、日、泰、韓菜，選擇十分多元化。另外，也有啤酒、紅白酒和清酒可供選擇。我對咖啡特別感興趣，餐廳虹吸咖啡方面，竟然多達三十種豆可以選擇，要試足咁多款都真係有排試。至於意式咖啡方面，除了常見latte 、cappuccino 之外 ，仲有一啲特色咖啡，好似cold brew 、 whisky latte 都有。愛啡人士，相信緊有一款啱你心水。阿仔鍾意食蔬菜又鍾意食香口嘢，所以我哋點了一個「煙三文魚牛油果沙律」同「咸蛋黃單骨雞翼」。
見5:30pm 時間早早地，未太餓於是周圍行吓睇吓有乜好嘢食。阿仔吾想又係茶記、米線咁悶，咁啱見到呢間餐廳門口個牌，比佢引咗，乜原來馬鞍山有都有虹吸咖啡嘅餐廳。真心少去馬鞍山食嘢。
餐廳坐位算多，顏色又紅又綠五顏綠色，十分colourful ，我哋選了窗邊位置坐低。
打開餐牌，發現呢間餐廳有不同款式嘅多國菜選擇，以高質西餐為主，再加上中、日、泰、韓菜，選擇十分多元化。另外，也有啤酒、紅白酒和清酒可供選擇。
我對咖啡特別感興趣，餐廳虹吸咖啡方面，竟然多達三十種豆可以選擇，要試足咁多款都真係有排試。
至於意式咖啡方面，除了常見latte 、cappuccino 之外 ，仲有一啲特色咖啡，好似cold brew 、 whisky latte 都有。愛啡人士，相信緊有一款啱你心水。
阿仔鍾意食蔬菜又鍾意食香口嘢，所以我哋點了一個「煙三文魚牛油果沙律」同「咸蛋黃單骨雞翼」。咸蛋黃尤魚、蝦就食得多，咸蛋黃雞翼都係第一次食，入口咸香，雞翼有肉汁，口感不錯，推介值得一試。
然後主菜試了「保雲酥比目魚扒配芒果沙沙」。即叫即做，加上焗製需時，食完沙律同雞翼就啱啱好有得食，上枱賣相十分不錯。芒果沙沙酸酸甜甜幾醒胃，而保雲酥面焗得剛剛好，入口鬆脆香口，比目魚扒肉滑，加埋煎到脆卜卜嘅魚皮，食落層次豐富。另外，伴碟薯蓉和蔬菜都有焗製過，咬落爽脆。
煙三文魚牛油果沙律
$108
40 views
0 likes
0 comments
鹹蛋黃單骨雞翼
$68
32 views
0 likes
0 comments
保雲酥比目魚扒伴芒果沙沙
$228
27 views
0 likes
0 comments
嚟到咖啡店無理由唔試吓佢哋嘅咖啡架，我今日特別想飲奶啡，最後揀咗 Rose Latte 。我認架，揀Latte 唔多唔少係期望有靚靚拉花嘅。果然，杯Rose Latte 無令人失望 ，有靚靚天鵝拉花，上面再灑上少少玫瑰花瓣，睇見杯咖啡立即心情都靚曬，無理由唔影番張相成機打下咭架，乘機扮下KOL先。
Rise Latte
$48
22 views
0 likes
0 comments
Rose latte
24 views
0 likes
0 comments
元宵節當然要食番個甜品應下節啦，我同阿仔口味一致，揀咗心太軟配意大利雪糕。心太軟焗得剛剛好，朱古力夠熱有流心。配埋個意大利雪糕，一熱一凍，真係好正。
姑姐～ 心太軟遇上 Ice-cream
$65
19 views
0 likes
0 comments
食物大致上質素不錯，感受到用心製作。至於咖啡方面，下次再去一定要試吓佢嘅虹吸咖啡，感覺上虹吸咖啡先至係佢地嘅主打。推介咖啡愛好者一定要去試試。
Post
