釜山炸雞批薩

Open Now

Now Closed

估唔到馬鞍山都有一間咁地道嘅韓國菜，侍應有韓國人，感覺更加地道。平日去夜晚都滿座，小店真係唔嘢少。餐牌有炸雞🍗、pizza🍕 各式韓國食品都有，選擇都有好多，我哋叫咗幾樣嘢，當然唔少得炸雞。仲叫咗牛仔骨、水冷麵。▶️五味炸雞$239呢個炸雞有五款味道一次過可以試多款口味有雙重芝士味、甜辣味、原味、蜜糖芥末味、洋蔥蛋黃味。用一個盒裝住又靚又整齊。新鮮炸起冇得輸，隻隻味都好食😋雙重芝士味，芝士味非常濃郁，面上充滿芝士粉。甜辣味唔會太辣，甜甜地啱晒香港人嘅口味。原味炸雞食得出即炸酥脆，雞肉嫩滑。蜜糖芥末味甜甜地我鍾意食。洋蔥蛋黃味估唔到洋蔥味咁香。▶️鐵板牛仔骨$158加配泡菜$38鐵板牛仔骨夠晒熱辣辣，而且牛仔骨肉質夠腍，牛仔骨味道甜甜地分量又夠多，真係好抵食！另外加咗泡菜更加開胃。▶️韓式水冷麵$78韓式水冷麵麵質煙煙韌韌，凍凍地夏天食好爽，而且仲有蛋等等配菜。▶️飲品，叫咗提子汁🍇 、桃汁 $15@小店座位唔算多，所以較容易坐滿。早啲去就唔使等位，晏少少就要等一陣喇。馬鞍山區值得一試。