釜山炸雞批薩

Open Now

Now Closed

📍馬鞍山呢間韓國小店由韓國阿珠媽主理，座位得十幾個，但係環境乾淨企理，坐得都好舒服。入去叫咗份招牌炸雞，叫咗原味mix甜辣醬味($219)，我哋叫咗有骨，炸雞好脆口入味，擺咗差唔多成個鐘個外皮都仲係好脆，驚油膩嘅仲有酸白蘿蔔配嚟食。佢呢度除咗炸雞同埋Pizza，仲有鐵板系列，朋友叫煙燻五花腩同烤牛肩肉($158)，牛肉嘅肉味都好濃不過煙燻五花腩會比較好食，真係好香煙熏味，另有辣醬同埋生菜包住嚟食。水冷麵($78)用咗蕎麥麵口感都幾煙韌，如果食炸雞嘅話會建議點呢個麵好過炸醬麵，入口酸酸甜甜，配埋幾片醃蘿蔔同青瓜幾開胃。