桃園制作粥麵餐廳 (迎海薈) (Closed)

桃園制作彩雲店一早已食過 都係好評！知道馬鞍山迎海開左 就帶住馬鞍山既家人一齊黎食，試下水準係味一樣先！星期六七點幾坐左80%滿，所以都唔洗等位，裝修比較暗但好多射燈，唔太鍾意呢種裝修！一黎到 未齊人 但叫定個煲仔飯先 因為制作需時，咸魚肉餅煲仔飯打開蓋熱辣辣，好香咸魚味！肉餅爽口，應該有馬碲，味道剛好，飯煲夠熱，所以有飯焦，落少少豉油，撈埋一齊食，好好味！ 之後叫左蜜桃咕嚕肉，好鍾意呢度既咕嚕肉，必叫，鍾意佢舊舊啖啖肉，又無乜肥膏，而且大碟，有好多舊肉，抵食！ 餐廳都推介黃沙豬潤啫啫雞煲，味道偏咸，一定要送飯食，雞件都多肉食，不會只吃骨，如果味道淡少少會更出色！ 另外，老豆叫了咸肉粽，綠豆味好香，但粽有點軟爛而且無乜咸肉，可以唔食。仲有叫左碗皮蛋瘦肉粥加炒麵，粥煮得好綿，材料幾豐富，肉帶少少咸香，好味，但炒麵太失敗，有皂水味又唔夠爽，就是不好吃！這間餐廳都是小菜較出色！ 5個人食左$313！抵食！