釜山炸雞批薩

Open Now

Now Closed

店舖唔大，座位不多，多數都係做外賣。餐牌都有好多選擇我叫左五味炸雞1雙重芝味，芝士味濃之餘仍有炸雞嘅香。2經典原味，食到雞肉本身嘅味道，肉質唔乾。3蜜糖芥末，入口一點蜜糖甜、芥末味適中，唔會覺得太甜抹煞左芥末味。4特色甜辣，甜甜辣辣嘅醬汁令人好開胃。5洋蔥蛋黃，蛋黃中和左洋蔥嘅辛辣味，比起其他醬汁，呢款最清淡。配上薯條，薯仔味濃炸得香脆。牛胸肉大醬湯（配白飯）湯底有白蘿蔔、豆腐、香菇、大蔥，洋蔥、配料中的辣椒和韓式香料，增添一點微辣，牛肉柔嫩軟爛入味，配搭米飯浸泡在濃郁的湯汁中，加添了滿足感。皇者至尊pizza (薄批)豬肉、辣肉腸、火腿、橄欖、粟米、青椒、洋蔥、水牛芝士。薄批嘅外邊香脆，配料豐富且鋪排均勻，配料味道平均且芝士味濃。