Sick Burger (MOSTown新港城中心(5期))

Open Now

Now Closed

最近馬鞍山⛰新開咗間Burger店🍔，也米當然要試吓啦！餐廳唔大，雖然有堂食位置，但係得好少🤏🏻，而且都係bar枱，應該係以外賣為主。也米😍星期六晏就去買，買完之後要等25分鐘先有得拎🤭，亦可以留低電話比店家，整完再通知。漢堡作出主打，真心唔錯😚，不過小食就一般🤭。-🍴雙層牛肉漢堡🐮🐮🍔($62+$28) - 牛肉漢堡好多配料，例如生菜🥬、青瓜🥒、蕃茄🍅等等，係餐牌上面會列咗出嚟，方便比客人睇吓有咩係入面。今次試咗雙層牛肉漢堡，雙層充滿肉汁嘅肉扒，超級滿足🤩！不過冇諗過兩層有啲多，下次都係叫返單層😂，加埋配料，個口差啲就唔可以一口由頂層食到最低層。-🍴炸雞翼套餐🐓(+$23) - 套餐會包括漢堡、炸雞翼同飲品。雞翼有2️⃣隻，但睇落好似有少少過火🔥，食落偏鹹，好再外脆內軟，入面都仲會有啲肉汁。-🍴炸洋蔥圈🧅(細)(贈送) - 係新開張期間，只要Follow曬店家嘅兩個social media，就會贈送一客細洋蔥圈。有4️⃣舊，附有少少沙律醬，洋蔥食落好香脆，不過如果個炸衣無咁硬身，反而脆多啲會好啲。-🍴青檸梳打🥤(跟餐) - 見字理解，就係梳打水加青檸。