King's & Queen's 冰室 (Closed)

呢日朋友揸車車我入西貢玩，入西貢前我地去左馬鞍山呢間冰室食野先，呢間冰室既環境都幾大。打開餐牌，見到佢啲小菜都幾吸引。我地都幾肚餓，所以點左好多野食。我地點左薑蔥霸王雞，半隻只要98蚊，估唔到半隻雞既份量都咁多，勁抵食！碟雞落左好多香料，非常惹味，雞肉都幾嫩滑。另外仲點左黃金蝦球，蝦球大隻又彈牙，外層好香脆，沾上左滿滿既鹹蛋黃醬，超好味！我地想食得健康啲，所以兩碟菜，一個係金銀蛋浸時菜，另外係鹹蛋菜肉湯，健康又好味。仲點左隻脆皮乳鴿。