荳子 (馬鞍山廣場) (Closed)

已經唔係第一次食Beans，會回頭係因為食物有水準。係馬鞍山美食沙漠搵食，Beans可以話係沙漠中既一片綠洲(咁講好似有D誇張 XD)但係佢既食物質素同上年第一次食時都係好味既! 是晚同朋友兩個人食晚餐，Eggs Royale，即係煙三文魚egg benedict 。賣相吸引，鮮黃色荷蘭醬好creamy同香濃，上面加左少少黑魚子，煙三文魚正常。一切落去蛋黃好似岩漿咁流出黎，正呀!朋友叫左個期間限定紫薯烤雞意大利燴飯。都幾特別，每一粒飯都俾紫色既醬汁包住打卡一流，食落甜甜地同好香紫薯味，但又唔會好似食甜品果種甜。雞肉就不過不失，味道不錯!另外加錢叫左個肉醬薯條小食，正正常常，無特別。