大手燒 (Closed)

疫情下無得去旅行唯有留係香港捐窿捐罅食好西。咁啱星期日經過馬鞍山就search 下有咩好食喇，第一眼就俾佢個牛油果軟殼蟹burger 吸引😍決定食佢。成間鋪頭有4-5個位，都唔預係坐得耐既所以都無咩所謂。我同朋友2個人就唔算好肚餓，share咗一個牛油果軟殼蟹burger 再加多隻糯米釀雞翼都夠飽。牛油果軟殼蟹burger 係好值得食，店主完全唔吝嗇啲醬，軟殼蟹亦都炸到好脆，性價比都算高。而糯米釀雞翼，味道正常，但覺得有少少貴，$20 一隻。總括而言，小店都係值得支持既。