點煲 (新港城中心(4期)) (Closed)

馬鞍山聽人講無乜野食，但試咗呢個煲仔飯之後都幾唔錯呀。中秋節補假午餐時間，食個煲仔飯都有秋日氣氛喎！臘腸滑雞煲仔飯 5/5我本身好少食煲仔飯，唔知點評論好定壞，但我個人就幾鐘意呢個飯，有飯有野飲，我就嗌壺普洱茶慢慢品嘗，煲仔飯出爐果然有氣勢，熱辣辣咁上枱，淋上豉油令到個熱煲燒到炸炸聲。第一啖係好香既臘腸味，滑雞又滑又香甜，配上豉油既提鮮，臘腸肥美唔乾瘦，肉汁鮮甜，加上特製豬油，飯焦香脆可口唔會太燶，食一啖飯，飲一啖茶，已經心滿意足。鹹魚肉餅煲仔飯 4/5我女人叫咗呢個，都係熱辣辣既上菜，肉餅鮮甜夠香口，鹹魚肉味香濃，配上菊花杞子茶清熱解毒。地點:新港城商場入面，唔難搵，食飽可以參觀馬鞍山，環境:中式裝修，慢活嘆茶。但同隔離枱好近，講嘢唔方便。價錢:人頭90蚊，有煲仔飯，有茶，一個點心，美味可口，咁啱有8折，值得再去。煲仔飯差條菜，加條菜就更好。服務:自助落單，上菜識得男士個邊上，以免影響女士。地點寬落，搵侍應都好快。