老爹茶居

Open Now

Now Closed

之前聽馬鞍山嘅客話有間餐廳叫daddy's kitchen，話好值得試一試。咁聽到哩個名，作為一個為食貓，當然想挑戰下哩個餐廳啦， 話曬mommy kitchen 似普遍多啲，daddy嘅話真係未聽過 見今日去開沙田個區，就去附近覓食一下啦。 黎到餐廳，一黎就叫左個客推薦嘅珍珠奶茶，再加個餃子豬骨拉麵去試。味道方面， 個珍珠奶茶相當唔錯，唔係死甜，啲珍珠都有啲口，唔係軟腍腍，而且價錢平，好過好多西餐廳嘅質素 而個拉麵亦非常唔錯，個豬骨湯底濃郁，份量大，大食嘅人一定夠食，而且餃子煎得驚訝地剛剛好，個底脆脆地又唔太乾，食完哩餐相當滿足，daddy's kitchen 真係名不虛傳嘅其實餐廳仲有好多野食好吸引嘅，例如有扒餐，有意粉，仲有各式嘅甜品，奈何本人細食，惟有下次搵埋朋友一齊過叫幾樣野去試，滿足下食慾，哈哈