呂仔記二哥一九七八

Open Now

Now Closed

無心插柳的情況下我哋見到都幾多人排隊食呢間，所以我哋八卦走咗去睇見呢價錢又OK外賣條隊又多人，所以我哋就坐低進食。參考咗其他人食咩之後我就嗌咗以下幾樣嘢：香滑豬腸粉其實冇乜期望只係覺得應該都係腸粉啫，但係食落口真係好似好滑咁喎同平時嗰啲有啲唔同佢比較甜醬有啲少如果你想多甜醬嘅話要叫姐姐俾個樽你自己落魚肉碗仔翅都係本身冇乜期望，但係嚟到之後見到個魚肉翅入邊真係有雞絲仲要應該係成隻雞咁樣煲，所以見到會有雞皮同埋啲雞肉係幾大嚿仲滑添手打燒賣本身我好鍾意食呢啲街頭燒賣，食落口真係覺得有啲唔同佢係大粒彈牙香口有種新鮮嘅感覺唔係純係咬落去膠味加咗豉油同腩汁就更加惹味。可能係手打嘅關係所以有少少貴。