樺輝記 (Closed)

喺介紹呢間店之前，要重複三次，記得要book位，記得要book位，記得要book位。因為喺我哋食嘅頭30分鐘已經見到有兩枱人入嚟話俾佢知冇位，摸門釘。黎呢間一定一定要試砂鍋粥，粥底夠綿夠鮮甜，仲有菜甫。我地簡左鮑魚，花甲同雞件。鮑魚大大隻，雞件滑滑。我地2個人叫細鍋都食唔晒，應該有8碗左右，4個都夠食。黃金椒鹽鮮魷$128呢個好夠鑊氣，鮮油舊樓，除將亦都唔會太口，鹹蛋黃味道啱啱好，唔會太鹹。卜卜蜆煲$140自從喺澳門試過後，都未喺香港再食。估唔到今次一試，搵到一間仲好味過澳門嘅。蜆大粒有肉無沙，非常鮮甜，辣辣地，好惹味。其實仲好想試個蠔餅，但真係太飽喇，期望下次再嚟試啦。