群記牛肉圓豬手

Open Now

Now Closed

聽講粉嶺聯和墟呢度有好多必食美食，今日渣車去粉嶺掃街。第一站去咗群記食豬手麵，佢個餐牌唔係好多選擇，同埋唔會知自己食咗幾多錢，因為個價錢係用中國傳統數字來寫，完全睇唔明。餐廳好友舊式風情，但夏天梨都幾熱，只有風扇。搵為方式都有啲似傳統酒樓架，自己行入嚟等位，有位就坐，坐低就叫嘢食。我哋樣樣都叫啲，當然唔少得呢度最出名嘅豬手。佢個豬手望落去冇乜顏色，但係處理得好乾淨，無豬味，鹹鹹地d肉又爽，又幾好食。我哋仲叫咗牛丸米同埋牛腩米。見到餐牌有個叫酥炸牛肉卷，未食過又叫梨試吓。牛丸同牛腩冇乜特別但係好食嘅，食粉麵呢度最正係佢啲辣椒醬，香得來唔係好辣仲好惹味。高牛肉丸就用腐皮包住啲鹹牛肉嚟炸。