潮叔 (駱駝漆大廈第三座) (Closed)

今日行駱駝漆大廈，一行入四樓聞到好大花香，原來有鋪新開。個名幾趣致，叫“潮叔”。平時我都幾鐘意潮州食物，所以入來試下，今日試咗魚蛋蟹黃面。魚蛋好彈牙，同我平時食開嘅馬鮫魚丸唔同，原來係石斑魚丸。湯底清淡，如果夏天無乜胃口，食呢啲口味會好舒服！仲有提供蒜蓉辣椒醬吊下味，幾好。臨走前見到有一個寫住1人鍋88蚊，無辦法，只有等下次再試過了！