Video
Read full review
2018-10-06
318 views
之前喺Facebook見到有飲食雜誌介紹過呢間cafe餐廳,今日同老死睇完展覽之後就特登嚟咗呢度試吓佢出哂名嘅龍蝦三文治。可能今日係食中秋節飯嘅日子，所以我哋四五點鐘嚟到嘅時候其實人已經唔係太多，兩層嘅餐廳佢只係開咗一層。我諗呢一個流心芝士龍蝦三文治真係佢哋嘅招牌菜，我見雖然只係得幾枱客，但係每枱都會點呢一個三文治，不過我就有少少失望啦，因為之前響Facebook見到有飲食雜誌介紹過，嗰陣時見到啲龍蝦餡係會多到爆曬出嚟，但淨係睇相都已經見到今日嘅呢一份龍蝦三文治餡係唔多，扁撻撻，而芝士味過濃，完全食唔到有龍蝦嘅味道，有啲名過於實嘅感覺。反而呢個黑松露野菌牛肝菌闊扁面就好有驚喜，夠晒creamy,而且菌味香濃，闊扁面亦都夠彈口！飲品方面，我同我個朋友都各點咗一杯。但我諗呢度嘅飲品質素就應該係一般啦，我哋見隔離枱嘅客人點左杯應該係用嚟影相多過飲嘅飲品，杯飲品好似獨角獸咁嘅顏色，靚就靚，但佢好似¼都冇飲到⋯⋯我哋呢兩杯係果味為主嘅，但係味道都較甜，我哋兩個亦都冇完全飲晒⋯⋯埋單先知原來佢哋今日做緊promo,只要點任何嘢食，以一蚊就可以換到嗰個流心龍蝦三文治，唔怪之得好似同佢地之前介紹嘅質素
可能今日係食中秋節飯嘅日子，所以我哋四五點鐘嚟到嘅時候其實人已經唔係太多，兩層嘅餐廳佢只係開咗一層。
我諗呢一個流心芝士龍蝦三文治真係佢哋嘅招牌菜，我見雖然只係得幾枱客，但係每枱都會點呢一個三文治，不過我就有少少失望啦，因為之前響Facebook見到有飲食雜誌介紹過，嗰陣時見到啲龍蝦餡係會多到爆曬出嚟，但淨係睇相都已經見到今日嘅呢一份龍蝦三文治餡係唔多，扁撻撻，而芝士味過濃，完全食唔到有龍蝦嘅味道，有啲名過於實嘅感覺。
流心芝士龍蝦三文治
25 views
0 likes
0 comments
反而呢個黑松露野菌牛肝菌闊扁面就好有驚喜，夠晒creamy,而且菌味香濃，闊扁面亦都夠彈口！
黑松露野菌牛肝菌闊扁面
10 views
0 likes
0 comments
飲品方面，我同我個朋友都各點咗一杯。但我諗呢度嘅飲品質素就應該係一般啦，我哋見隔離枱嘅客人點左杯應該係用嚟影相多過飲嘅飲品，杯飲品好似獨角獸咁嘅顏色，靚就靚，但佢好似¼都冇飲到⋯⋯我哋呢兩杯係果味為主嘅，但係味道都較甜，我哋兩個亦都冇完全飲晒⋯⋯
Sunset chubby
8 views
0 likes
0 comments
埋單先知原來佢哋今日做緊promo,只要點任何嘢食，以一蚊就可以換到嗰個流心龍蝦三文治，唔怪之得好似同佢地之前介紹嘅質素有啲距離⋯⋯唔知係咪就係因為做promo呢個價錢嘅關係呢🤔
Post
