生龍清湯腩 (Closed)

睇完介紹，特登黎試試呢間20幾年歷史既清湯腩，餐廳採用新鮮騸牯牛，特別甘香味濃！可惜太晏去到，招牌清湯腩，無論牛坑腩~爽腩定崩砂腩都已經賣晒，會下次早d再去試!!❤️咖喱清湯腩飯 自家調配～獨家秘製既香濃惹味咖喱，食落唔會太辣，牛腩好軟腩，咖喱牛腩飯呢個組合真係食極唔厭🧡金錢肚米線 金錢肚好爽口，湯底係清湯腩既味道好香好清又好甜～💛鯪魚肉釀尖椒 好新鮮既鯪魚肉釀係尖椒裡面，一啖咬落去，又有彈牙鯪魚肉既口感，又有尖椒既甜味💚1000ml/Double冰檸茶 超大杯既凍檸茶，夠凍夠爽又有檸味，推介2個人一齊飲！💙龍鳳可樂 港式茶記必點既特色龍鳳可樂，咸香+檸味，又夠汽，爽!!