Video
Read full review
2010-12-22
44 views
星期五, 嚴寒嚟到, 緊係打邊爐啦!三條友仔, 無訂枱, 由佐敦頭行到尖咀尾, 全部FULL晒, 真谷氣, 行到肚仔超餓, 神推鬼拱咁行到K11, 見到有蟹鍋食又有位, 就衝咗入咗去醫飽個肚。高佬唔食生野, 先黎熟既壽司做頭盤: 熟蝦, 蟹籽沙律軍艦同玉子壽司, 未落枱已經食晒, 實在太餓, 玉子壽司尤其出色, 蛋夠滑, 有蛋味同夠甜, 合我口味。自己再要牡丹蝦壽司，正。跟住係串燒: 鷄翼, 鷄軟骨, 鷄皮同牛舌, 水準OK, 夠香口, 高佬緊係要追加鷄翼啦!仲有個炸豆腐, 送吓凍SAKE唔錯。等緊個蟹鍋, 伙計話試吓個新出品「豚角煮」, 賣相的的色色, 似東坡肉, 食落甜甜, 豚肉好淋, 好入味, 送飯一流, 每人一舊, 清枱。蟹鍋黎啦, 應該係雪場蟹腳鍋至真。比想像中好, 都頂到打邊爐癮, 蟹腳都幾多肉食, 個湯清得黎好有蟹味，D竽絲索咗D湯，好好味。原本一開始諗住叫多個Shabu Shabu, 好彩冇叫, 高佬未食晒D野已經叫飽, 真係眼濶肚窄。埋單前，有驚喜，個日籍大廚走左出黎同我地打個招呼，KONBANWA!!!
三條友仔, 無訂枱, 由佐敦頭行到尖咀尾, 全部FULL晒, 真谷氣, 行到肚仔超餓, 神推鬼拱咁行到K11, 見到有蟹鍋食又有位, 就衝咗入咗去醫飽個肚。
高佬唔食生野, 先黎熟既壽司做頭盤: 熟蝦, 蟹籽沙律軍艦同玉子壽司, 未落枱已經食晒, 實在太餓, 玉子壽司尤其出色, 蛋夠滑, 有蛋味同夠甜, 合我口味。自己再要牡丹蝦壽司，正。
跟住係串燒: 鷄翼, 鷄軟骨, 鷄皮同牛舌, 水準OK, 夠香口, 高佬緊係要追加鷄翼啦!仲有個炸豆腐, 送吓凍SAKE唔錯。
等緊個蟹鍋, 伙計話試吓個新出品「豚角煮」, 賣相的的色色, 似東坡肉, 食落甜甜, 豚肉好淋, 好入味, 送飯一流, 每人一舊, 清枱。
蟹鍋黎啦, 應該係雪場蟹腳鍋至真。比想像中好, 都頂到打邊爐癮, 蟹腳都幾多肉食, 個湯清得黎好有蟹味，D竽絲索咗D湯，好好味。
原本一開始諗住叫多個Shabu Shabu, 好彩冇叫, 高佬未食晒D野已經叫飽, 真係眼濶肚窄。
埋單前，有驚喜，個日籍大廚走左出黎同我地打個招呼，KONBANWA!!!
Post
