kikusan (Closed)

約友人食飯，佢一向唔鍾意食煎炸油膩野，所以揀左依間上海x日本fusion菜，兩樣我都鍾意食。《Kikusan卷》Kikusan卷係Kikusan既招牌菜，青瓜壽司小卷面頭再鋪碎吞拿魚、海膽、三文魚籽、蔥碎，人人台上都叫了起碼一碟，吞拿魚海膽新鮮，加上碎蔥三文魚子吊味，盛惠$82，一百蚊有找，必叫！《南瓜味增湯牛肉溫泉蛋烏冬》本身覺得南瓜味增好似有啲格格不入，但南瓜味唔太搶，主要為味增味加一份甜味，牛肉質數一般，烏冬彈牙煙韌，中規中矩啦。《小籠包》其中一個上海菜必叫嘅小籠包，同朋友食咗一個先記得影相，佢皮薄豬肉餡入味，略嫌可以再多少少肉汁，$48/4個都唔錯，可以一試。