翁記上海館 (Closed)

上星期去左慈雲山探朋友，難得黎到慈雲山，久聞慈雲山美食如雲，緊係要實試一下地道美食，睇下係真唔係啦。抬頭望向天上月亮，想起鄧麗君的名曲，就好想食上海野，咁岩行到慈華里，見到翁記有門庭若市，就決定晚餐食呢間。一黎到翁記，好彩唔駛等位，撘檯坐著先。唔駛等，加分！睇到餐牌樣樣野都想食，但係眼闊肚窄，食唔到咁多，最後就叫左小籠包+擔擔麵套餐，同埋鹽酥雞扒拼菜飯餐。首先黎既暖豆漿好濃好滑，未飲，過一陣好快就起衣擔擔麵個湯又香又濃！真材實料！又唔會好辣，適合香港人口味。小籠包噴曬汁！真係唔駛多講。老公個鹽酥雞扒都炸得好靚好脆，配埋個醬味道仲增添左層次感！跟餐送湯，碗湯好足料，飲完湯連料 乾 曬。最後仲試埋擂沙湯圓，滿足了呢間小店真係有驚喜，價格適宜，真係會上癮！仲有好多野想食，決定下個月再黎食啦！