御名園

Open Now

Now Closed

去左碧海南天探朋友，懶得煮飯關係，朋友帶左我落去aeon 入面既御名園食晚餐。 呢間酒樓地方寬躺， 食物又有水準，住附近朋友有口福😍😋秋葵高山貓耳朵： 用咗醋調味，好開胃，但略嫌秋葵唔夠多。燉湯$38.8 一盎， 分別叫左百年陳皮水鴨湯同羊肚菌南北杏燉花膠湯， 2盎都材料豐富，好足料好抵飲，滋補養顏。鍾意飲燉湯嘅人唔可以放過 👍🏻香芹野菌炒黑豚肉，鑊氣小炒，火喉啱啱好，黑豚肉嫩滑但不肥，份量都好足夠。清蒸老虎斑， 蒸得剛剛好，肉質嫰滑,蒸魚豉油調味又岩岩好，而老虎斑肉質又滑又嫩， 最緊要唔多骨😆姬松茸遼參豆腐煲，又係好足料既一道菜， 上枱姬松茸味濃香扑鼻，遼參爽口弹牙，豆腐内嫩滑吸收哂，整体味道多层次及滋味。 最後本身想叫糖水，服務員主動話有番薯糖水送呀🤗好貼心。