芝加哥串燒酒場 (太和中心)

下雨天總掛念從前…早在呢間芝加哥剛開時幫襯過一次，當時店舖細細得幾張枱，但已覺得串燒好食，老細好有心做好出品。幾年間，見佢搬左大舖，我地都冇去過，尋日興之所至，同老婆入去坐下。本來諗住食少少嘢飲杯嘢算當食個下午茶，但俾個menu嚇親，串燒種類比以前多好多，肉類不在話下更有我最鍾意的內臟，連羊腸都有，師傅燒到香脆內嫩，油脂甘香，餸酒一流。另外燒白鱔超好食，新鮮肉厚，2大舊肉都只係$58。最令我地驚喜嘅竟然係燒龜苓膏，你冇睇錯，係燒龜苓膏！表面加咗一陣煉奶，食到後尾又龜苓膏嘅回甘苦味，超有驚喜！我食左2串。最後經理問我哋有冇叫乳豬，但我哋已經飽到食唔落，要留返下次。本來諗住食少少嘢，但Menu實在太吸引，搏老命係咁叫當咗晚餐食。一個電爐可以燒到如此出神入化，如果可以俾炭爐佢玩仲得了？呢幾年飲食界寒冬，佢地由細舖變大舖，再係大埔殺到老蘭開店，成功係有原因的！補充：星期一至日Happy Hour都有唔同牌子生啤買一送一。記得要試佢地自家嘅生啤，裡面有塊菠蘿乾，非常啱女士飲