Video
Read full review
2020-07-05
518 views
之前喺灣仔嗰邊返工，成日喺港島周圍試拉麵，呢間以性價比黎講，絕對唔輸蝕比港島拉麵名店。約左朋友1：30食，等左唔算好耐，10分鐘左右就入得。全間鋪都係坐到十零個客，唔算多，但都坐得舒服。山長水遠一場黎到，就梗係要試下佢最出名嘅真·叉燒拉麵啦！將薄薄嘅叉燒鋪喺面，粉粉紅紅咁，賣相好似一朵花，非常吸睛，絕對係ig呃like 嘅必選。除左賣相討好，味道亦非常唔錯。平時食日本拉麵嘅叉燒，有啲都幾「鞋口」，有啲油脂分布得平均啲都叫做好食啲，但通常食多幾啖就覺得肥膩。呢隻叉燒確實係好有驚喜，佢唔係平時嗰啲叉燒咁厚（平時有啲拉麵店真係厚切叉燒咁），佢有啲似打邊爐啲薄切豬肉片咁（當然無咁薄啦，我用左誇飾姐，大概有兩塊薄切豬肉片咁厚啦），入口口感好ok，中意厚身叉燒嘅人可以將塊叉燒摺一半咁擺入口嘅～ 重點係，佢真係好！嫩！口！叉燒黎講，我真係唔預計佢有呢種嫩滑嘅程度，畢竟叉燒都係一舊燒過嘅豬肉，但呢款叉燒真係好出色，超越左我對叉燒口感嘅想像。為左試出呢款叉燒同其他叉燒有咩唔同，我地好公道地叫左一碗清湯叉燒拉麵同地獄濃湯叉燒拉麵黎做比較。講左清湯叉燒拉麵先啦，湯底清甜，食哂成碗都唔覺得好肥膩或者好鹹，幾適
約左朋友1：30食，等左唔算好耐，10分鐘左右就入得。
全間鋪都係坐到十零個客，唔算多，但都坐得舒服。
山長水遠一場黎到，就梗係要試下佢最出名嘅真·叉燒拉麵啦！
真·叉燒拉麵
21 views
0 likes
0 comments
將薄薄嘅叉燒鋪喺面，粉粉紅紅咁，賣相好似一朵花，非常吸睛，絕對係ig呃like 嘅必選。
除左賣相討好，味道亦非常唔錯。平時食日本拉麵嘅叉燒，有啲都幾「鞋口」，有啲油脂分布得平均啲都叫做好食啲，但通常食多幾啖就覺得肥膩。呢隻叉燒確實係好有驚喜，佢唔係平時嗰啲叉燒咁厚（平時有啲拉麵店真係厚切叉燒咁），佢有啲似打邊爐啲薄切豬肉片咁（當然無咁薄啦，我用左誇飾姐，大概有兩塊薄切豬肉片咁厚啦），入口口感好ok，中意厚身叉燒嘅人可以將塊叉燒摺一半咁擺入口嘅～ 重點係，佢真係好！嫩！口！
叉燒黎講，我真係唔預計佢有呢種嫩滑嘅程度，畢竟叉燒都係一舊燒過嘅豬肉，但呢款叉燒真係好出色，超越左我對叉燒口感嘅想像。
為左試出呢款叉燒同其他叉燒有咩唔同，我地好公道地叫左一碗清湯叉燒拉麵同地獄濃湯叉燒拉麵黎做比較。
地獄拉麵
39 views
0 likes
0 comments
講左清湯叉燒拉麵先啦，湯底清甜，食哂成碗都唔覺得好肥膩或者好鹹，幾適合口味清淡嘅人。叉燒黎講，普通款嘅叉燒都好食，唔「鞋口」，但就無真·叉燒比人嗰種嫩滑嘅口感。
相反，地獄拉麵就真係好濃味，地獄拉麵之所以叫地獄拉麵，係因為佢喺湯底入面加左秘製辣醬，作為小小嗜辣之人，我都覺得個辣係辣得幾過癮，你會見到個湯入面有啲辣椒係度，一覺唔覺意食到都幾刺激下～但係食多幾啖就發現，個麵好鹹，我覺得可能係因為我揀左配濃湯，本身秘製辣醬都有一定嘅鹹度，所以食到後期，我已經唔係好分到碗麵嘅味道，淨係覺得好鹹，要狂飲冰水。呢個我唔怪間拉麵店，因為係我自己配搭嘅問題。
最後叫左個自製餃子試下，個餃子都搞左幾耐先上菜，味道同賣相都麻麻地，餃子皮是幾薄但薄到穿左，同埋煎得唔脆唔香口，可以唔使特別試。
總括黎講，真·叉燒拉麵嘅叉燒係值得推介，至於湯底、拉麵口感等我都會比中上分數佢，考慮埋價錢嘅話，呢間係非常值得去，唔使100蚊食到呢種質素嘅拉麵，算係好好！推薦比糧尾但又想食好西嘅朋友～～
Post
