塔門仔海膽燒 (Moved) New Location

每次喺佐敦坐元朗小巴經過都見到，又知老婆鍾意食海膽，於是專程黎一次試下。我地8點幾到，室內唔係滿座，好彩我地兩個人，唔洗等就有位。一坐低就有人介紹我地飲清酒，不過太肚餓都係叫左野先，主打都係海鮮，再加入一啲fusion整法，都算有特式，例如個海膽炸雞球，做法係普通炸雞球，不過加入海膽混既醬，用雞球點黎食好特別，兩種味都食到幾有新意。再黎就係海膽炒飯，配料係肉碎，我好奇試下加菜保（即係食粉仔混嗰啲）入啲飯到試，非常好味。跟住就係燒蠔，啲蠔好新鮮，完全同喺大陸食 既隔夜燒蠔冇得比。最後埋單都係一人2百幾蚊。個人推介主打海鮮，其他串燒或者食物可以唔試，始終呢間野海鮮係有保證。