相馬日式火鍋 (Closed)

同個好耐冇見,而又冇乜主見嘅朋友食飯,就去左荃灣出名多嘢食又出名排哂隊嘅大鴻輝搵食。見呢間相馬日式火鍋新新地, 價錢又合理,就決定試試佢。 由於時間尚早,仲要係星期二, 暫時冇乜人。一入到場, 侍應哥哥安排我地坐近窗邊。雖然荃灣市中心唔叫有靚景,但位於高層周邊又冇高樓阻隔,睇住個景食住飯都好開心好RELAX…..90分鐘放題, 我地揀左美國特選牛肉。 湯底都好多選擇有泡菜、清湯、中華辣湯、蕃茄、豚骨….我地最後揀左豚骨湯底。湯底仲未到即時去揀嘢飲先, 選擇勁多:肥仔可樂同ZERO都有,仲有無糖綠茶…但唔見有啤酒, 就係呢個時候俾我見到隔離飲緊啤酒,就問問侍應哥哥。原來啤酒都任飲,唔洗加錢,但要問佢地拎先有…啤酒都任飲…正呀!!湯底同牛,豚肉,雞肉一齊上…牛肉色澤新鮮….由於太肚餓…湯底未滾,朋友已經車哂D 菜入去煲湯咁。湯底味道好好,夠哂味。蔬菜吧其實都好多菜可以任夾…皇帝菜,菇,連花生菜同羽衣甘藍都有..俾個LIKE…… 午餐肉都有…食左兩轉添 最後,掛住食…放棄影相 由於食到太飽,雪糕都食唔落。下次黎要試埋雪糕。