大勝豬扒清湯腩

Open Now

Now Closed

老公拍板，今次佢揀左呢間大勝豬排清湯腩（九龍灣名物）外賣，個名就好似好勁，食過先知。的確，一打開既感覺係，好大份😂😂😂，老公點左個大勝豬扒煎蛋飯（64蚊），帶兩大塊烤豬扒同一隻煎蛋，有少少鼓油伴飯，如果有埋少少蔥花就更理想，不過唔緊要，勝在豬排真係炸得好鬆軟，而肉質又保持到嫩滑，加上少少鼓油配埋個煎蛋送飯真係一流。我就叫左個香煎雞排米線配酸辣湯（56蚊），雞排切件完都有成8大塊，雞排兩邊煎得金黃，唔會過火，雞扒一d都唔會鞋口，重好嫩滑，唔會有雪藏味，但個湯就比較失色少少，雖然佢有大量既酸菜，但欠缺左辣味，呢樣扣左少少分，但整體黎講好算滿意收貨，可以回頭幫襯既。