Sense Cafe (Closed)

友人推介樓上餐廳，充滿驚喜係份量大而又好味道。唔想唸就叫二人餐，份量應該夠三個人😊🥗凱薩沙律以為每人一小份，前菜嘛，但係一碟上。沙律菜新鮮爽口，芝士煙肉比例啱啱好。🦑炸魷魚酥及魷魚條炸得啱啱好，唔會過熟或者好韌。魷魚條以魚手指咁出現，幾特別而且外脆內軟。🍴水牛城雞翼初時都怕會好辣，但佢個味道唔錯，帶少少辣，好惹味。🍕禽獸大會薄餅料足份量夠，芝士味唔會搶哂肉味，食肉獸啱哂🍽香煎蒜香露絲瑪利羊架 煎得好香，雖然配料嘅味唔濃但一啲都冇羊騷味。佢啲配菜都燒得好好味，清哂。